Información e normas

• Aconsellamos traer calzado cómodo (os camiños son de grava miúda), gorra e protección solar.
• Existen portas rápidas de saída e un número de teléfono no ticket de entrada por se alguén precisa axuda.
• Fóra do labirinto atoparedes un quiosco con terraza sombreada, merendeiro, aparcadoiro gratuito e aseos.
• Os menores de 13 anos entrarán acompañados por un adulto.
• O acceso e a venda de entradas remata unha hora antes da hora de peche do labirinto.
• A compra de entrada conleva a aceptación e cumprimento das normas do Labirinto de Breoghán.
• Salvo xullo e agosto e con prognóstico claro de choiva o labirinto permanecerá pechado. ¡Atentos ás nosas redes sociais!
• En xullo e agosto abrimos independentemente da climatoloxía, os chuvascos no verán non adoitan ser persistentes.
• Con tempo inestable entrar con paraugas ou chuvasqueiro.
• Tárdase de media uns 40 minutos en completar o percorrido.
• Para gozar plenamente da experiencia recoméndase non empregar trucos. O uso de trucos é incompatible co xogo que cada tempada plantexamos.
• As mascotas sempre son ben recibidas. Han de levar correa e bolsa para as súas necesidades (e boceira se así o estipula a lei).
• Para chegar en autobús consultar na compañía de transportes ARRIVA.
• Estamos á beira da Casa do Concello de Vilarmaior.
• Recomendamos vir dende o centro de Miño, o resto de estradas presentan moitas curvas, pendentes e é doado perderse.
• As reservas son só para colexios e campamentos.
• As entradas véndense no quiosco que atoparedes xunto á entrada do labirinto.
• Desaconsellamos a entrada de cadeiras de rodas non motorizadas, os camiños son de grava miúda.

Entrada estándar 5€ (nenos de 12 anos e maiores)

Entrada reducida 3€ (nenos de 7 e ata 12 anos)

Entrada gratuita para nenos menores de 7 anos

Pódese pagar en efectivo ou con tarxeta

NOTA: as entradas mércanse no quiosco que hai a carón do labirinto. As reservas son só para colexios e campamentos e xestiónanse a través do correo electrónico.